LAOAG CITY – Nairekord dagiti 29 a baro a kaso iti COVID-19 ditoy probinsya rason nga umaboten iti 1948 ti pakabuklan a kaso ti nasao a virus.
Iti datos ti gobyerno probinsyal, 18 dagiti nagpositibo ket residente ditoy siudad ti Laoag, pito iti ili ti San Nicolas agraman ti agtawen ti maysa a lalaki, dua iti ili ti Pinili ken saggaysa iti Brgy. Pipias, Bacarra ken iti Brgy. Escoda iti ili ti Marcos.
Awan met ti nairekord a nalaingan manipud iti covid-19 rason a nagtalinaed a 1368 recoveries, ken 15 dagiti pimmusay idinto nga umaboten iti 565 ti active cases.
