LAOAG CITY – Umabot iti 19 a bangkay ti narekobre dagiti otoridad kalpasan ti panagdinnungpar ti American Airlines flight ken Black Hawk helicopter iti Potomac River iti Washington DC.
Naamoan a ti nasao a American Airlines flight ket naggapo iti Wichita, Kansas ken addaan ti 60 a pasahero ken uppat a crew member idinto a tallo a soldado ti nakalugan iti helicopter.
Mainaig iti daytoy, kinumpirmaran ti US Figure Skating association a sumagmamano a miembro iti skating community ti nakalugan iti nasao nga eroplano.
Kabayatanna, kwinestyunaran ni US President Donald Trump no apay saan a nagpangato wenno nagpababa ti helicopter tapno koma naliklikan ti panagdinnungpar da iti American Airlines flight.
