LAOAG CITY – Mangipaay ti Malacañang ti sag-P100,000 a tulong pinansyal iti dua a miembro ti Philippine Navy a nasugatan iti napasamak nga insidenteiti Ayungin Shoal.
Basar iti Palasyo, ti ayuda ket panangbigbig iti sakripisyo ken dedikasyon dagiti soldado a nasaktan kabayatan nga an-annungen da ti trabaho da iti paggiinnagawan a paset ti West Philippine Sea.
Saan pay nga inparuk-at ti Malacañang ti pakabigbigan ti dua a Navy personnel ken ti detalye dagiti sinagaba da a sugat.
Nupay kasta, inpasigurado ti gobierno nga agtultuloy a makaawat da ti kasapulan a suporta kabayatan ti panagpaimbag da.
Maipalagip nga immunan nga inbatad ti Armed Forces of the Philippines (AFP) a pinang-or ti baton a naaramid ti kayo ti miyembro ti PH navy a nagresulta iti pannakasugat ti ulo na.
Daytoy ket gapu paylaeng iti agtultuloy a panangilaban ti Pilipinas iti karbengan ken soberanya na iti nasao a baybay nga adda iti uneg ti exclusive economic zone ti pagilian.
Immunan a naglikudan ti China Coast Guard (CCG) ti alegasyon ken inpetteng na a maipagarop a dagiti soldado ti Pilipinas ti immuna a nagusar kadagiti sagwan kas armas tapno ibaot kadagiti personnel da.
