LAOAG CITY – Balligi a naisayangkat ti dua aldaw a job fair a programa ti Public Employment Service Office iti probinsia.
Daytoy ti inpakaammo ni Ms. Liz Atuan, mangidadaulo iti nasao nga opisina.
Kunana a daytoy a programa ket mangipaay iti ad-adu nga oportunidad kadagiti indibidual nga agkasapulan ti trabaho.
Innayon ni Atuan a ti dua nga aldaw a job fair ket nakibinnulig ti dakkel a mall gapu ta dandanin aglukat daytoy.
Inpakaammo pay ni Atuan nga adda ti lima nga ahensya iti gobierno national ken dagiti affiliate iti mall ti nagawat ti aplikante.
Segun kenkuana, adda iti pakabuklan a 557 a bakante a pagtrabahuan ti naidiaya iti naiyuswat a job fair no sadinno nga adda dagiti maibilang kas hired-on-the-spot.
