LAOAG CITY – Inyalud-od ti Bureau of Customs (BOC) ti validity ti importer accreditation manipod iti maysa a tawen ket napagbalin a tallo a tawen tapno mapaalisto ti iseserrek dagiti produkto iti pagilian ken makissayan ti red tape.
Iti babaen ti Customs Administrative Order (CAO), naipababa met ti accreditation fee iti P5,000 para iti tallo a tawen manipod iti dati a P2,000 iti kada tawen wenno P6,000 iti uneg ti tallo a tawen.
Segun ken ni Finance Secretary Frederick Go, kasapulan latta a mangisumitir ti annual reportorial compliance (ARC) dagiti importer iti uneg ti 30 nga aldaw manipod iti accreditation anniversary da.
Mabalin met a ma-qualify iti automatic renewal dagiti agtultuloy ken compliant iti uneg ti innem a tawen.
Basar iti Bureau of Customs, umabot iti P239.054 bilyon ti nakolektar da iti umuna a tallo a bolan ti agdama a tawen naartapan na ti target a 1.3%.
Target met ti ahensya ti makaukkon ti P1.013 trilyon para it sibubukel a 2026.
