LAOAG CITY – Nagtitinnulong ti agarup 200 a bumbero tapno masebseban ti dakkel nga uram idiay northern Paris.
Naminpinsan a dimmapo ti maysa kadagiti kadakkelan a recycling plants ti pagilian.
Gapu iti nasao nga uram ket pinaserraan dagiti otoridad ti sumagmamano a paset ti siudad tapno maikkan ti gundaway a makaresponde dagiti bumbero.
Binallaagan dagiti otoridad ti publiko a saanen a rummuar ken ipabus-oyda lattan ti trabaho kadakuada.
Naipasdek ti Syctom recycling plant idi 2019 a daytoy ket mangimanmaniher kadagiti basura nga adda ti agarup maysa a milyon a residente ti Paris.
