LAOAG CITY – Apagapaman a bimmaba ti 5.0 percent idi Marso 2026 ti unemployment rate iti Pilipinas manipud 5.1 percent idi Pebrero iti baet ti epekto ti ngumatngato a presio ti langis a gubuay iti tension iti Middle East basar iti Philippine Statistics Authority.
Katukad daytoy ti sumurok-kumurang 2.58 milyon a Pilipino nga awanan ti trabaho.
Inbatad ni National Statistician and Civil Registrar General Undersecretary Claire Dennis Mapa, agingga ita ket sektor laeng ti maap-apektaran ti panagngato ti presio ti gasolina ken awan pay ti kumpleto a datos no kasano kalawa ti epekto daytoy iti intero a labor market.
Kuna ni Mapa a posible a naapektaran ti panagkalap ken aquaculture no sadinno a napukaw ti sumurok-kumurang 420,000 a trabaho iti kada bulan.
