Inbatad ni Gerville Luistro, chairperson ti House Justice Committee nga isponsoranna iti plenario ti Kamara de Representantes inton Lunes, Mayo 11 ti Articles of Impeachment kontra ken ni Vice President Sara Duterte.
Segun ken ni Lusitro, ipakitana dagiti findings ti Justice Committee karaman dagiti ebidensia kontra iti bide presidente no sadinno nga ataltalinaed a saan pay a nasugbatan.
Karaman kadagiti akusasion ti misuse of confidential funds, saan a mailawlawag a kinabaknang, bribery, ken ti maipagarup a plano a panagpapatay ken ni Presidente Ferdinand Marcos Jr, First Lady Liza Marcos, ken ti dati a House Speaker Martin Romualdez.
Masapul ti 106 a butos tapno maingato iti Senado ti Artickes of Impeachment.
Kabayatanna, inbatad ni Senate President Vicente “Tito” Sotto III a saan nga insigida nga ag-convene ti Senado kas impeachment court ti oras a maawatda ti reklao manipud iti Kamara.
