LAOAG CITY – Nangipila ti petition for bail ti kampo ni dati nga House Speaker Martin Romualdez iti Sandiganbayan ita nga aldaw ti Lunes, Setiembre 28.
Basar iti damag, inpila ti kampo ni Romualdez ti petision mainaig iti sangsangoenna a kaso a plunder nga adda pakainaiganna iti maipagarup nga P7.44 billion a kickback scheme kadagiti flood control ken dadduma pay a government projects.
Naikeddeng a mangrugi inton Oktubre 12 ti panangdengngeg iti petition for bail ti dati nga House Speaker no sadinno manamnama a mangipresentar ti ebidensia ti prosekusion mainaig iti kinapigsa ti kaso a naipila kontra kenkuana.
Nupay kasta, agpaot agingga Nobiembre 23 ti main trial ti kaso.
Naamoan nga adda ti 73 a testigo ti naikeddeng nga ipresentar ti prosekusion kabayatan nga 43 ti manamnama nga ipresentar ti depensa.
Maipalagip a nangipasa ni Romualdez ti plea-na a not guilty iti kaso a plunder iti Sandiganbayan idi Setiembre 16.
