LAOAG CITY – Ipaiman ti Palasio kadagiti doktor ti isyu ti maipagarup nga special treatment a naipaay ken ni dati a House Speaker Martin Romualdez kalpasan a naarestar gapu iti plunder mainaig iti flood control anomaly.
Daytoy ket kalpasan ti kritisismo iti maipagarup nga special treatment a naipaay ken ni Romualdez, nga agdama nga adda iti Cardinal Santos Medical Center ken naiserbian ti arrest warrant idi Lunes, Setiembre 7.
Iti press briefing iti Malacañang, kinuna ni Palace Press Officer Claire Castro a saan a mapasardeng dagiti doktor iti makitada iti kasasaad ti maysa nga akusado.
Kinunana pay a saan a mabalin a piliten dagiti otoridad ti maysa nga akusado nga insigida a maipaima kenkuada no awan ti pammalubos ti doktor a maiyakar iti lugar a pakaibaludanna.
Innayon ni Castro a rumbeng a mapaayan dagiti doktor itibenefit of the doubt ken kasta met ti ar-aramiden ti amin a personnel ti Philippine National Police (PNP) ken Department of the Interior and Local Government (DILG).
