LAOAG CITY – Impasigurado ti UP-Philippine General Hospital nga agbalin nga objective ken propesional iti pannakaisayangkatda ti independent examination-da ken ni dati nga House Speaker Martin Romualdez.
Mainaig iti daytoy, agisubmitir ti bukodda a grupo ti eksperto ti comprehensive report iti Sandiganbayan maipapan iti salun-at ni Romualdez inton bigat, Setiembre 13.
Maipalagip a naiyakar ni Romualdez iti UP-Philippine General Hospital itay bigat ti oras ti alas-8:45 manipud iti Cardinal Santos Medical Center, maiyataday iti bilin ti Sandiganbayan Third Division, no sadinno kinadua dagiti medical officer ti Bureau of Jail Management and Penology (BJMP) ti dati nga house speaker ken nagbalin a natalged ken naurnos ti proseso.
Immunan iti daytoy ti panangidutok ti Sandiganbayan ti Bureau of Jail Management and Penology (BJMP), Philippine National Police (PNP) ken Office of the Judiciary Marshals nga itaray ni Romualdez sa UP-Philippine General Hospital babaen ti ambulansia ken sumagmamano a medical equipment.
Dinutokan ni Dr. Gerardo D. Legaspi, ti Director ti UP-Philippine General Hospital wenno siasinnoman nga otorisado a mangibagi kadaytoy ti mangisayangkat ti medical exam.
