LAOAG CITY – Inbilin ti Sandiganbayan ti panagatendar ni dati nga Speaker Martin Romualdez iti maiyuswat a panagdengngeg intono Setyembre 10, 2026 mainaig iti mosyon na para iti agtultuloy a panagtalinaed na iti ospital.
Nagtalinaed ni Romualdez iti Cardinal Santos Medical Center iti San Juan City kalpasan a naiserbi ti warrant of arrest nga inisyu ti anti-graft court mainaig iti P7.4 billion plunder case na.
Immunan a nagpila ti kampo na ti petisyon iti Sandiganbayan Third Division tapno palubusan da nga agtalinaed iti ospital kadagiti sagsagabaen na a sakit.
Malaksid ken ni Romualdez, karaman pay a naimbitaran iti panagdengngeg ket dagiti doktor ti dati nga speaker tapno ipaay da dagiti resulta ti medical examinations ti nasao nga akusado.
