LAOAG CITY – Kinumpirmaran ni Presidente Ferdinand Marcos Jr. a nakasagana ti Pilipinas ken Poland iti panangrugin dagiti negosasyon iti extradition agreement.
Segun iti chief executive, addan ti panaggaraw ti legal cooperation ti Pilipinas ken Poland kalpasan ti panagpirma ti katulagan iti panangiyakar dagiti nasentensyaan a balud ken iti Mutual Legal Assistance in Criminal Matters.
Iti presentation of agreements, karaman kadagiti indasar ti Department of Justice (DOJ) ken Ministry of Foreign Affairs ti Poland ket ti agreement on mutual legal assistance in criminal matters.
Gagem daytoy a papigsaen ti kooperasyon iti panangliklik kontra kadagiti krimen karaman ti enhanced legal assistance and cooperation iti criminal proceedings.
Segun ken ni Marcos, napateg a pundasyon ti relasyon ti dua a pagilian a mapatta-patta a 25,000 a Pilipino ti agnanaed idiay Poland.
