LAOAG CITY – Maiwayat ti 2021 Provincial Skills Competition babaen iti Technical Education And Skills Development Authority (TESDA) ditoy probinsya.
Daytoy ti inbatad ni Mrs. Marissa Alcantaza, ti mangidadaulo iti TESDA ditoy probinsya.
Segun ken ni Alcantaraz, maiyuswat dagiti nagduduma nga aktibidad a pakisalipan ti nagduduma a kurso intono Oktubre 18 agingga iti Oktubre 20 ita a tawen.
Inpakaammo na a karaman kadagti kurso a mabalin a makipartisipar iti kompetisyon ket ti bakery, graphics design technology, wall and floor tiling (tiles settings) ken welding.
Innayon na a ti bakery ket maangay iti Marcos Agro-Industrial School; graphics design technology iti EIA College ken ti wall and floor tiling ken welding ket iti IGAMA Colleges Foundation iti ili ti Badoc.
Inbaga ni Alcantara a dagiti mapagasatan a mangabak iti kompetisyon ket makaawat da ti certificate of Recognition, medal ken cash.
Malaksid iti daytoy, ti mangabak iti provincial skills competition ket isuda ti mapan makisalip iti Regional Skills Competition.
