LAOAG CITY – Maysa a pagadalan idiay Needham, Massachusetts ti nakairekord ti kaadduan a singin a naggigiddan a nagmartsa iti middle school graduation dagitoy.
Ordinario laengen iti Pollard Middle School nga adda dagiti pares ti agsingin iti kada grade level. Tunggal end ti schoolyear, addaan ti lima agingga iti 10 a pares dagiti singin ti agturturpos.
Nupay kasta, ita a 2024 a nakapadas ti dumanon iti 23 a pares dagiti singin a nagturpos iti middle school.
Basar iti School Principal a ni Tamatha Bibbo, naruay a residente ti Needham ti nasdaaw idi naammoanda a 10 percent ti graduating class-da ket twins. Iti 454 nga agturpos iti middle school, 46 ditoy ket pares ti singin. Naammoan nga 48 koma dagitoy negm ti maysa a pares kadakuada ket nagsina iti pagadalan.
Kabayatanna, kaadduan kadagiti maseknan a singin ket fraternal twins wenno dagiti singin a saanda nga agkarkarupa.
