LAOAG CITY – Nagikkat iti pwesto ni Latvia Prime Minister Evika Silina kalpasan ti napolitikaan a krisis gapu kadagiti Russia-bound Ukrainian drones a maiwawa iti teritorio ti Latvia.
Immunan nga inikkat ti Prime Minister ni Defence Minister- Andris Spruds iti napalabas a lawas kalpasan a natinnag ti dua a drone iti daya a paset ti Latvia no sadinno a binabalaw na ti addangna rason a nangdutok iti kasukat na.
Kas protesta, inbabawi ti Spruds’s Progressives party ti suportada ken ni Silina, a nangitunda ti panagbagsak daytoy sumagmamano a bolan sakbay ti nakaplano a general election intono Oktubre ita a tawen.
Ti napolitikaan a panagbagsak ket na-trigger babaen ti iseserrek ti tallo a drone iti law-ang ti Latvia idi Mayo 7 ita a tawen, ti maikadua nga insidente manipud natappugan ti 2026.
