LAOAG CITY – Ginundawayan ti maysa a Californian ti usar dagiti kalding malaksid laeng ti panagarab ti ruot.
Ni Tim Arrowsmith a maysa a taga California, ket inusarna dagiti rinibo a kaldingna sakbay ti wildfire season.
Kunana a napanunotna daytoy kabayatan a buybuyaenna dagitoy a mangmangan iti nalawan pagpastoranna.
Ti koma laeng usar dagiti kalding ket agarab ti ruot ngem kinunana a kabaelanda pay nga usaren ti potensial da iti babaen ti tulong a panangliklik ti wildfire.
Ngem para ken Tim, inusarna dagitoy tapno agarab ti ruot a mangigapu ti wildfire ken inusarna dagitoy kadagiti lugar a saan a kabaelan a magun-od ti makina.
Innayonna a nakainot daytoy ti gasolina gapu ta saanna a kasapulan a pagandaren ti makinana ken simple a wagas tapno makaliklik iti nakaro nga uram.
