LAOAG CITY – Agtultuloy ti mapaspasaran a nalawa a wildfire iti dakkel a paset ti paglian nga Indonesia a manamama a mangiparuk-at ti adu a carbon emission a dandani katukadna daytoyen ti kakaruan nga uram a nairekord iti pagilianda ita a siglo, segun kadagiti eksperto ti aglawlaw.
Basar iti kabaruan a datos manipud iti Global Fire Emissions Database, umaboten iti 76 million a tonelada ti carbon (MtC) ti naiparuk-aten dagiti uram idiay Indonesia ita a tawen.
Gapu iti daytoy, ti sitwasion ita a tawen ket arigna kapadanan ti lebel ken direksion ti nakaro a wildfire a napasaranda idi tawen 2015, no sadinoo ket umabot iti 2.6 million nga ektarya ti nauram ken nakairekord daytoy ti 333 million a tonelada ti carbon emissions.
Kabayatanna, agtaltalinaed a nakatutok dagiti otoridad iti Indonesia iti panangsebseb kadagiti agtultuloy nga agwarwaras nga uram bayat ti panagballaag dagiti eksperto mainaig iti saan a nasayaat nga epektona daytoy iti salun-at dagiti residente ken iti manamnama a mapasaran a klima iti Indonesia.
