LAOAG CITY – Ibilang ni Jail Warden Editor Guiang, ti Ilocos Norte Provincial Jail a napintas ti epektona kadagiti balod dagiti programa ti Technical Education Skills and Development Authority wenno TESDA kas ti training course ti Food and Beverage Services NC II ken Electrical Installation and Maintenance NC II.
Segun kenkuana, adda ti 25 a balod ti dumalan iti panagsanay nga iyuswat ti Technical Education Skills and Development Authority.
Inbatadna nga adda ti maipaay nga allowance kadagiti maseknan a balod kabayatan ti pannakaipadalanda ti panagsanay.
Inlawlawagna a kalpasan ti panagsanay dagitoy ket maipaayanda ti National Certificate kas pammaneknek a nalpasda met laeng dagiti naisayangkat a training course.
Mangnamnama ni Guiang nga agtultuloy dagiti programa ti gobierno a maipapaay kadagiti balod tapno inton apaman a makaruar dagitoy iti pagbalodan ket adda ti ammoda maipapan iti panagtrabaho.
