LAOAG CITY – Umabot iti 25 a tattao ti natay kalpasan a nagbaliktad ti nagluganan da a bus iti western Kenya.
Basar kadagiti otoridad, 21 kadagiti biktima ket pimmusay a mismo iti nakapasamakan ti insidente idinto a dagiti uppat ket natay bayat a matamtaming da iti ospital.
Malaksid kadagiti nasugatan ket adda pay ti 20 a sabsabali dagiti nasugatan iti insidente no sadinno a lima kadagitoy ti kritikal ti kondisyon na.
Iti imbestigasyon dagiti otoridad, ti nasao a bus ket nagluganan dagiti agkakabagyan ken naggapo dagitoy iti maysa a minatayan.
Naamoan a bayat ti panagdaldalyasat ti bus iti paset ti Kisumu-Kakamega Highway napukawan ti kontrol iti manibela ti driver a nagresulta ti panagbaliktad na.
