LAOAG CITY – Nakaawat ti 2,500 a mannalon ken mangngalap ditoy siudad ti Laoag ti nagduduma a farm inputs.
Daytoy a programa ket agtultuloy para iti pannakapasayaat ti pagsapulan dagiti mannalon ken mangngalap ditoy siudad ti Laoag.
Segun iti lokal a gobierno ditoy siudad ti Laoag, daytoy ket nagbinnuligan ti Department of Agriculture ken City Government iti pannakaited ti farm inputs nga agbalor ti 13.59 milyon a pisos.
Mainaig iti daytoy, 7.55 a milyon a pisos ti aggapu iti Laoag City Government ken 6.04 a milyon a pisos met ti aggapu iti Department of Agriculture.
Malaksid iti daytoy, nangipaay pay ti Provincial Government of Ilocos Norte ti foodpacks kadagiti 500 a mannalon a naapektaran ti Bagyo Nando.
Kabayatanna, daytoy a tignay ket mataginayon a pagsapulan dagiti mannalon ken mangngalap para iti naprogprogreso a siudad ti Laoag.
