LAOAG CITY – Umabot iti 254 nga indigent a Persons With Disabilities (PWD’s) ditoy ciudad ti Laoag ti naipaayan ti sag-10 a kilo a bagas.
Daytoy ti inpakaammo ni Mr. Christopher King Medina, ti Disability Officer 4 ti Persons With Disability Affairs Office ditoy ciudad ti Laoag.
Segun kenkuana, ti bagas ket aggapu iti gobierno probinsial kas suporta ken tulong kadagiti adda rangkap ti bagina ditoy ciudad.
Kunana a sumarsaruno met a maipaayan ti bagas dagiti nagduduma a sektor ken pagtaengan ditoy ciudad.
Kabayatanna, inpanamnama ni Medina iti panangkita da iti sabali pay a wagas tapno matulongan dagiti addaan ti rangkap ti bagina ditoy ciudad.
