LAOAG CITY – Saan a nakaliklik ni Ilocos Norte Electric Cooperative (INEC) General Manager Engr. Felino Herbet “Bing” Agdigos kadagiti saludsod maipanggep iti sweldo a maaw-awat na iti binulan.
Daytoy ket kabayatan ti pannakaiyuswat ti press conference iti kapitolio probinsyal idi kalman kadua na da Gobernador Matthew Marcos Manotoc, Ilocos Norte Electric Cooperative President Atty. Enrico Ruiz, Provincial Legal Officer Atty. Erme Labayog kenni Vice Governor Cecilia Araneta-Marcos.
Kuna ni Agdigos nga iti posisyon na iti agdama ket adda ti salary grade na a 257,000 a pisos iti kada bulan.
Mainaig iti daytoy, inbatad na a masursurot ti salary grade nga ipatpatungpal ti National Electrification Administration.
Kabayatanna, kuna ni Gobernador Matthew Marcos Manotoc a maibilang a nangato ti sweldo ti general manager.
Inbatad na a ti nasao a kantidad ket isu pay laeng ti agdama nga aw-awaten ti general manager kalpasan ng immunan nga inbaga daytoy a saan na nga inawat ti baro a salary increase iti posisyon ti general manager.
Segun met ken ni general manager Agdigos, ti nagdumaan ti sitwasyon itatta nga adda ti project supervisor ti National Electrification Administration iti Ilocos Norte Electric Cooperative ket personal iti pannakamonitor ti kooperatiba ken saan laengen a babaen iti remote monitoring.
Innayun na a babaen ii kaadda ti supervisor ti Ilocos Norte Electric Cooperative iti agdama ket adda ti ideya da nga adda ti mangkitkita ti kooperatiba.
