LAOAG CITY – Umabot iti 26 a tattao ti natay iti panagbettak a napasamak iti maysa a pagaramidan ti paputok iti probinsya ti Hunan idiay China.
Malaksid kadagiti natay ket adda pay ti 61 a sabsabali dagiti nasugatan iti insidente.
Naipatungpal a dagus ti rescue operations iti Huasheng Fireworks plant iti southern city ti Liuyang kalpasan ti napasamak a panagbettak.
Nangiwaras dagiti otoridad ti nasurok a 1,500 emergency responders, karaman ditoyen dagiti aso, drones ken robots.
Adda met ti pito nga indibidual a naisalakan dagiti otoridad a dagitoy ket nagaburan kadagiti debris.
Agtultuloy ti imbestigasyon dagiti otoridad tapno maamoan ti nangrugyan ken nangitunda iti insidente.
