LAOAG CITY – Nairekord ti sumagmamano a problema iti Balacad Elementary School ditoy ciudad ti Laoag ita nga aldaw, Hunyo 3 a panaglukat ti klase.
Daytoy ket gapu ta naamoan ti Bombo Radyo Laoag a saan pay a nalpas ti pannakatarimaan ti classroom ti Kindergarten, Grade 1 ken Grade 2 ti nasao a pagadalan.
Inbatad ni Mr. Menardo Bagaoisan, Head Teacher III iti Balacad Elementary School, ti napusgan a mangtarimaan kadagiti kwarto da ket ti KRV Construction.
Inlawlawag na a saanen a nagtrabaho dagiti maseknan idi bakasyon isut gapuna a teteksan ken tawtawagan na ti KRV construction ngem saan pulos nga agsungsugbat ti maseknan.
Naamoan a ti nasao a pagadalan ket addaan ti 143 nga estudyante.
Inpakaammo ni Bagaoisan nga uray dagiti dadduma a pagadalan ditoy ciudad ti Laoag ket adda met ti kastoy a problema da.
