LAOAG CITY – Kinumpirmaran ni Police Major Kristian Lee Badua, ti pannakangiwat iti Ilocos Norte Police Provincial Office a tallo ti nairekord a nalmes ditoy probinsya iti Semana Santa.
Immunan a nairekord ti dua a drowning incident, saggaysa iti ili ti Banna ken iti ili ti Dingras.
Nupay kasta, idi laeng kalman, Abril 5 ket adda ti maysa pay a nairekord a nalmes, a daytoy ket nabigbig a ni Greg Abran y Caballes, agtawen ti 52, addaan ti live-in partner, ken resident iti Barangay Madamba iti ili ti Dingras.
Napasamak ti insidente kabayatan ti panag-picnic ti biktima kadwa na dagiti papagayam na iti karayan a paset ti nadakamat metlaeng a barangay.
Rumrumwar a ti biktima ket maipagarop a adda ti impluwensiya ti nasanger idi napasamak ti insidente.
