LAOAG CITY – Naarestar ti tallo a suspek iti nagsisina nga operasion gapu iti iligal a droga.
Umuna a natiliw ti agtawen ti 43, naasawaan, awanan trabaho ken residente ti Barangay 29, San Pedro iti siudad ti Batac babaen iti anti-illegal drug buy-bust operation iti nasao a siudad.
Natiliw ti suspek kalpasan a naglako ti maysa nga heat-sealed transparent plastic sachet a naglaon ti maatap a shabu iti police poseur-buyer.
Malaksid iti daytoy, nakumpiskar pay manipud iti suspek ti pito nga heat-sealed transparent plastic, buy-bust money ken dadduma pay a drug paraphernalia.
Naammoan nga agdagsen ti sumurok-kumurang maysa a gramo ti nakumpiskar a kontrabando.
Maikadua a natiliw ti agtawen ti 37, addaan ti live-in partner, mannalon ken residente ti Barangay 6, Tonoton iti ili ti Piddig babaen iti anti-illegal drug buy-bust operation iti Barangay 5, Mangitayag iti ili ti Piddig.
Natiliw ti suspek kalpasan a naglako ti maysa nga heat-sealed transparent plastic sachet a naglaon ti maatap a shabu iti police poseur-buyer.
Narekobre pay manipud iti suspek ti innem nga heat sealed small plastic sachets nga agdagsen ti sumurok-kumurang 8.74 a gramo a mapapati a shabu nga agbalor ti 59,432 a pisos ken dadduma pay a drug paraphernalia.
Kabayatanna, maikatlo a natiliw ti agtawen ti 23, awanan asawa, construction worker ken residente ti Barangay12, Puyupuyan iti ili ti Pasuquin babaen iti anti-illegal drug buy-bust operation iti Barangay Poblacion 3 iti nasao nga ili.
Natiliw ti suspek kalpasan a naglako ti maysa nga heat-sealed transparent plastic sachet a naglaon ti maatap a shabu iti police poseur-buyer.
Naala pay manipud iti suspek ti tallo nga heat sealed transparent plastic sachet a naglaon ti maatap a shabu nga agdagsen ti sumurok-kumurang maysa a gramo ken dadduma pay a drug paraphernalia.
