LAOAG CITY – Natay ti tallo nga indibidual kalpasan ti nagpatnag nga iraraot ti Russia iti Black Sea port ti Odesa.
Inbatad ni Governor Oleh Kiper iti Odesa region a ti nalawa a drone ken missile strike ket isu ti maikalima nga aldaw nga iraraot ti Russia iti nasao a rehiyon.
Mainaig iti daytoy, inpetteng ti Russian Ministry nga inranta da a pinuntirya ti port infrastructure a maus-usar a pagkargaan ti poetrolyo, langis ken lubricants.
Napasamak ti panagatake kalpasan ti ibibisita ni European Commission President Ursula von der Leyen iti Kyiv tapno pagsasaritaan daa ti co-operation iti nagbaetan ti European ken Ukrainian defence industries.
