LAOAG CITY – Umabot ti 30 dagiti ubing nga addaan ti autism ditoy ciudad ti Laoag.
Inbatad ni Mrs. Marie Jenevieve Arcanghel, presidente ti Autism Society of the Philippines-Laoag City Chapter.
Segun kenni Arcanghel, aggapo dagiti maseknan AP Santos Elementaray School ken iti Ilocos Norte National High School ken kasapulan a maipaayan da it importansya gapo iti sagsagabaen da.
Daytoy ket mainaig pay laeng iti selebrasyon ti National Autism Consciousness Week nga addaan ti gagem a maikampanya ti pannakaderterminar no adda ti autism dagiti ubbing gapo ta patienda nga ado pay dagiti saan a na-diagnose.
Inlawlawag na a nasken a maamoan dagiti nagannak ti kasasaad dagiti annak da nangruna dagiti maladaga.
