LAOAG CITY – Inbatad ti Ghana nga umabot iti 300 dagiti kadaraan da a masapol nga ibakwit da manipod iti South Africa gapu kadagiti mapaspasamak a tignay protesta kontra kadagiti foreign nationals.
Segun ken ni Foreign Minister Samuel Okudzeto Ablakwa, inaprubaranen ti presidente ti Ghana ti dagus a pannakaibakwit dagiti kadaraan da iti South Africa.
Maipalagip nga iti napalabas a lawas ket naglikudan dagiti otoridad iti South Africa nga adda dagiti foreign nationals a nadangran iti rehiyon ken inawagan da pay dagiti agwarwaras a video a peke.
Idi laeng lunes, inrakurak ni South African President Cyril Ramaphosa a dagiti napaspasamak a protesta ken kriminal nga aramid kontra kadagiti foreign nationals ket saan a mangiparangarang iti pagannurutan ti gobierno, ken indiskribir na dagitoy kas “isolated acts of criminality”.
Innayon ti presidente a ti South Africa ket masapol nga i-regulate na ti migration, siguradwen ti kinatalged kadagiti borders ken ipatungpal dagiti a naimbag dagiti paglintegan.
Immuna iti daytoy, rinibo a South Africans ti nakipaset ti tignay protesta kontra iti illegal immigration no sadinno nga ipetpetteng da ti mass deportation para kadagiti undocumented a foreign nationals gapu ta ibilang da dagitoy a dakkel ti epekto na kadagiti pagtrabahoan, pabahay ken krimen.
