LAOAG CITY – Inpakaammo ni Dr. Rogelio Balbag, chief of Hospital iti Governor Roque Ablan Senior Memorial Hospital ditoy siudad ti Laoag nga adda ti 31 a pasyente ti naka-confine kadagiti government hospital ditoy probinsya gapu iti sakit a dengue.
Kuna ni Balbag a manipod iti nasao a bilang ket siyam dagiti nagtalinaed iti Mariano Marcos Memorial Hospital and Medical Center (MMMHMC) iti siudad ti Batac.
Inbatad na nga adda met ti 13 iti GRASMH, tallo iti Doña Josefa Edralin hospital, maysa iti Dingras District hospital idinto a lima iti Bangui Disrict Hospital ket lima.
Immuna iti daytoy, inpakaammo ni Balbag a sipud idi Enero, 395 ti kaso ti dengue a nairekord ditoy probinsya ken maysa ti pimmusay.
Patien ti doktor a ti mangitunda ti alisto a panagwaras ti dengue virus ket ti panagbaliw ti paniempo nangruna ti panagtudtudo.
Kabayatanna, kuna ni Balbag a nu pay saan nga alarming ti sitwasyon ti dengue ditoy probinsya iti agdama ket agtultuloy ti pannangsurot kadagiti nagduduma a wagas a panangliklik ti nasao a sakit.
