LAOAG CITY – Inpetteng ti Commission on Election a saan nga umdas ti 32 a milyon a butos tapno malappedan ti impeachment ken ni Vice President Sara Duterte.
Inbatad ni Commission on Elections (COMELEC) George Erwin Garcia a saan a mausar ni Vice Pres. Sara ti mandatona tapno lappedan ti impeachment process kontra kenkuana uray nakaawat isuna ti 32 a milyon a butos idi Eleksyon 2022, daytoy ti kaadduan a butos a nairekord iti maysa nga elected official.
Iti babaen ti konstitusion, ti impeachment ket ti panangikkat laeng ti opisial iti gobierno. Daytoy ket saan nga otomatiko a panangikkat iti opisina gapu ta dumalan pay daytoy iti panangitingiting ti Senado.
Maipalagip a sumangsango ni Vice Pres. Sara Duterte ti dua nga impeachment complaints nga addan iti House of Representatitives.
Kabayatanna, basar kadagiti complaints, ni Vice Pres. Sara ket mangipakpakita ti betrayal of public trust gapu iti maipagarup a biddot a panagusar iti 612.5-M a confidential funds banag a kanayon a pagliklikudan ti Bise Presidente.
