LAOAG CITY – Umaboten iti 40 a Chadian soldiers ti napapatay kalpasan naraut ti saan a masinunuo a grupo ti base-da idi Oktubre 27.
Gapu iti daytoy, binilin ni President Mahamat Déby ti counter-mission tapno maamwan dagiti adda iti likodan ti panagatake.
Awan met dagiti suspetsa iti panangraut, ngem naamuan a ti lugar ket asideg kadagiti border zones ti Nigeria ken Niger no sadinno nga agtigtignay ditoy dagiti Islamist militants.
Basar iti kaudian a datus ti United Nations, nasurok 220,000 a tattao ti pwersa kadagiti pagtaengan da gapu iti insecurity ken violence nga ipakpakita dagiti armado a grupo.
