LAOAG CITY – Umabot iti 40% dagiti mannalon a naka direct seeding iti mulada a pagay ditoy siudad ti Laoag.
Segun kenni Engr. Shiela Opelac, mangidadaulo iti City Agriculture Office ditoy suidad ti Laoag a daytoy ket epekto iti kinaawan ti danom a pagpadanomda idi napalabas a bulan.
Nu pay kasta kunana a nagbalin met a benipisial kadagiti mannalon iti idudupral iti bagyo kiyapo gapu ta babaen kadaytoy ket makarugin dagiti dadduma a mannalon a makaraep iti mulada a pagay.
Inpakaamo ni Engr Opelac nga umabot metten iti 60% dagiti nakatalon a mannalon ditoy suidad.
Innayonna nga agtul-tuloy ti pannakaiwaras dagiti bunobunon ken bin-i kadagiti mannalon para iti napinpintas nga apit dagitoy.
Kabayatanna kunana nga iti napalabas a bagyo kiyapo, ket adda dagiti nadadael a raep isut gapuna a nangipasa da ti report para iti rehabilitation plant.
