LAOAG CITY – Inbatad ti Department of Migrant Workers (DMW) a natalged dagiti 40 nga seafarers a lugan ti First Margaux, kalpasan ti napasamak a panagdinnungpar iti baet ti Chinese fishing vessel iti Singapore Strait.
Segun ken ni Department of Migrant Workers (DMW) Secretary Han Leo Cacdac nga awan naireport a nasugatan a Filipino crew members iti panagdinungpar.
Kunana pay nga agtultuloy ti pakikoordinarda iti pamilia dagiti Filipino seafarers a lugan ti First Margaux tapno maipaayan ti rumbeng a tulong dagiti naapektaran a tripulante kalpasan ti incidente.
Iti agdama, awan pay impormasion no adda lugan a Pilipino iti Chinese fishing boat.
Basar iti Maritime and Port Authority ti Singapore nga agtultuloy ti pannakaisayangkatda ti imbestigasion mainaig iti insidente iti baetan ti First Margaux a lugan dagiti Pilipino ken ti China-registered fishing vessel.
