LAOAG CITY – Dumanon iti 47 nga indibidual ti indeklara ti Commission on Elections a nuisance candidate para iti Midterm Elections inton 2025.
Iti napalabas a bulan, nakaawat ti poll body ti 183 a certificates of candidacy (COCs).
Nangiruarda ti pakpakauna a listaan ti 66 nga indibidual a dagiti nagan dagitoy ket mabalin a mairaman iti opisial a balota.
Immunan nga inbatad ni Commission on Elections Chairman George Garcia a planoda a solbaren dagiti petision dagiti nuisance candidates inton panagngudo ti bulan ti Nobiembre.
