LAOAG CITY – Naragsak nga inpakaammo ni Engr. Ma. Teresa Bacnat, ti mangidadaulo iti Provincial Agriculture Office a dakkel a makatulong ti 4H Club wenno ti Head, Heart, Hand ken Health kadagiti mannalon ditoy probinsia.
Segun kenkuana, babaen iti daytoy a programa ket maipaay kadagiti kangrunaan a kasapulan dagiti mannalon.
Inbatadna a malaksid kadagiti kagamitan a maipapaay kadagiti mannalon ditoy probinsia kas kadagiti host, fuel subsidy ken makinaria ket adda pay ti panagidiayada iti technical assitance no sadino ditoy a masuroan dagiti mannalon no kasano iti mangtagiben dagiti mulada.
Mainaig iti daytoy, kunana nga agtultuloy ti panangipaayda ti vegetables seed, organic and inorganic fertilizer ken dadduma pay a kasapulan dagiti mannalon.
Innayonna nga agserserbi ti 4-H Club kas maysa a kangrunaan nga organisasion ti Department of Agriculture a mangipapaay ti plataporma para iti sustainable agriculture ken mangpabileg kadagiti mannalon kadagiti programa ken proyekto.
