LAOAG CITY – Umabot iti 51 a tattao ti natay kalpasan a timmama ti airstrike ti Israel iti maysa nga elementary girl’s school idiay Minab, probinsia ti Hormozgan iti daya ti Iran.
Basar iti Iranian state reports, naglabesen iti uppat a pulo ti kumpirmado a natay iti nadakamat a panagtake a naawagan a maipagarup a ‘civilian target’.
Iti baet daytoy, impakaammo met ti Mehr news agency a dua pay nga estudyante ti natay iti sabali nga Israeli strike a timmama iti maysa a pagadalan idiay Tehran.
Kuna ti Al Jazeera a ti panagatake iti pagadalan dagiti ubbing a babbai ket posible a mangitunda ti nalawlawa a panag-bomba ti Israel ken ti US.
