LAOAG CITY – Nagreklamo ti maysa a balasang a ni Rachele Ganal a taga Brgy 7 iti ili ti Sarrat gapo ti maipagarop a pannaka-harass na babaen ti maysa a tricycle driver.
Segun kenni Ganal, idi agawid ti rabii ti Hunyo 13 ket naglugan ti tricycle nga inturong ni Fernando Coloma a taga Brgy. 10 iti nasao nga ili
Inlawlawag na nga idi naidisaag ni Coloma dagiti dadduma a pasaheros ket kellaat na a pinataray ken idi sinagid na ket saan na pinansin ti balasang.
Inbatad na nga idi asideg da manen iti naglugan na ket binagaan na ti driver nga adda pay isuna a saan a nakadisaag ngem nagsao ti dakes ti driver.
Mainaig iti daytoy, kalpasan ti pasamak ken ti panagturong na iti istasyon ti pulisya ket nagpadespensar ti driver gapo ta maipagarop a nabartek.
Nupay kasta, idi napan nagpa-blotter ni Ganal ket naglikudan ni Coloma ti pasamak ken ti inbaga na a nabartek.
Kabayatanna, iti panagturong ti Bombo Radyo kenni Coloma ket nagkedked a nagpainterview ken naiget a naglikudan na a nabartek kabayatan ti panangitulod na ti balasang.
