LAOAG CITY – Umabot iti 539 ti kapamilia dagiti biktima ti maipagarup nga extrajudicial killings (EJK) ti nagaplikar kas participating victims ti kaso kontra ken ni dati a Presidente Rodrigo Duterte iti International Criminal Court (ICC).
Gagem daytoy a maipadanon ti komentoda iti proseso ti panangtingiting.
Segun ken ni International Criminal Court Assistant to Counsel Atty. Maria Kristina Conti, saan a kasapulan a tumestigo iti korte dagitoy gapu ta ti Prosecution ken Defense ti agpili ti testigo.
Sakup laeng ti kaso dagiti insidente manipud Nobiembre 2011 agingga Marso 2019.
Segun ken ni Conti, mabalin a mangted ti International Criminal Court ti konsiderasion ken ni Duterte karaman ti pannakipaset iti panagdengngeg iti babaen ti video call.
Naammoan a posible a mangrugi ti panangtingiting ita a tawen.
Immunan a pinatibker ti International Criminal Court ti hurisdiksion ken kinumpirmaran dagiti biktima kontra ken ni Duterte mainaig iti crimes against humanity karaman ti murder ken attempted murder a maipagarup a karaman ti nalawa ken sistematiko a panagatake kontra kadagiti sibilian.
