LAOAG CITY – Naimaldit ti 59 a baro a kaso ti COVID-19 idinto a 36 dagiti nagimbag ditoy probinsya.
Iti datos ti gobyerno probinsyal, 31 ti baro a kaso iti ili ti Bacarra, idinto a 28 ti baro nga aktibo a kaso ditoy siudad ti Laoag.
Gapu iti daytoy, umaboten iti 2341 ti kaso ti COVID-19 idinto a 357 ti aktibo a kaso, no sadinno a kaaduan ditoy siudad nga addaan iti 179 active cases, sumaruno iti ili ti Bacarra nga addaan ti 72 nga aktibo a kaso, 25 iti siudad ti Batac, 16 iti ili ti San Nicolas, ken 12 iti ili ti Dingras.
Agdagupen iti 1958 ti recoveries idinto a nagtalinaed a 26 dagiti pimmusay gapu ti nasao a virus.
