LAOAG CITY – Nakaalerto ti 5th Infantry Division ti Philippine Army iti panangmonitorda iti rehion uno, rehion dos ken ti Cordillera Administrative Region gapu iti Bagyo Kristine.
Segun ken ni Lt. Col. Melvin Asuncion, pannakangiwat ti 5th Infantry Division ti Philippine Army, naka-standby dagiti amin a personnel ti Emergency Response Companies kadagiti tumawag kadakuada manipud kadagiti tallo a Provincial Disaster Risk Reduction and Management Office para iti alisto a pannakaipadanon dagiti tulong.
Inbatadna a nakasaganada a mangakomodar kadagiti residente a kasapulan a maibakwit tapno maiyadayoda iti risgo.
Inlawlawagna a bayat a maisursurat daytoy a damag ket awan pay dagiti nagibakwit kadagiti evacuation center manipud kadagiti agnanaed iti coastal areas.
Kunana a nakasagana dagiti amin nga heavy equipment para iti panagresponde kadagiti agkasapulan ti tulong nangruna kadagiti makapasar ti nakaro a layos.
