LAOAG CITY – Pagsasaritaan ti konseho ditoy ciudad ti Laoag iti sumaruno ti maysa a resolusyon a mangipalubos ken ni Mayor Michael Marcos-Keon a mangawat ti donasyon ti maysa a foundation.
Daytoy ti inbatad ni Vice Mayor Vicentito Lazo ditoy ciudad ti Laoag.
Segun ken ni Lazo, mangidonar ti Jesus V del Rosario Foundation Incoporated iti innem a containers iti quarantine facility ditoy ciudad.
Mainaig iti daytoy, inbilin ni Lazo iti Committee on Health a makikoordinar kadagiti maseknan nga opisina para iti pannakaibiyahe dagiti innem a quarantine facility containers.
Innayon na a pagsasaritaan danto pay no pangalaan da ti magastos para iti pannakaibiyahe dagiti nasao a containers malaksid no ibaklay a mismo ti foundation tapno awanen ti agbalin a problema ti gobierno lokal ditoy ciudad.
