LAOAG CITY – Umabot iti innem nga indibidual ti natay idinto a 107 dagiti naisalakan dagiti otoridad kalpasan a naarinebneb ti nagluganan da barko iti Java Sea.
Malaksid kadagitoy ket adda pay ti 130 a sabsabali dagiti nagtalinaed a mapukpukaw kalpasan a napukaw ti contact iti Virgo Transport8 ship gapu iti dakes a sasaaden ti panawen.
Ti barko ket aggapo iti Surabaya ken agturong koma iti South Kalimantan city ti Banjarmasin idi napasamak ti insidente.
Naideploy a dagus dagiti sumagmamano a barko ken helicopter iti lugar no sadinno nga umabot iti 280 personnel ti nakipaset para iti search ken rescue operation
Naamoan a ti barko ket addaan ti 213 a pasahero ken 30 crew members.
