LAOAG CITY – Addan ti innem nga indibidual a pimmusar gapu iti outbreak ti Marburg virus idiay Rwanda.
Inbatad ni health minister Sabin Nsanzimana a kaadoan kadagiti biktima ket healthcare workers nga adda iti intensive care unit.
Segun iti health minister, addan ti pakabuklan a 20 a kaso ti naestablisar sipud nakumpirmaran ti outbreak.
Ti Marburg nga addaan ti fatality rate agingga iti 88% ket aggapo met laeng iti virus mainaig iti sakit nga Ebola. Karaman kadagiti sintomas ti Marburg virus ket ti panaggurigor, muscle pains, diarrhea, panagbakwar a mabalin a nga ipatay gapu iti pannakapukaw ti dara.
