LAOAG CITY – Umabot iti 77 a tattao ti natay kalpasan a bimtak ti maysa a fuel tanker idiay Nigeria.
Malaksid kadagiti natay ket adda pay ti 25 a sabsabali dagiti nasugatan iti insidente.
Basar iti report, nagbaliktad ti fuel tanker kalpasan a nakadinnungpar na ti maysa a truck a nangitunda iti panagtedted ti langis iti lugar.
Gapu iti daytoy, naruay dagiti tattao a napan nagkolektar ti langis.
Nupay kasta, bigla lattan a bimtak ti fuel tanker a nagresulta ti pannakatay dagiti naruay a tattao.
Naamoan a naipagagangayen ti mapaspasamak a panagbettak ti fuel tanker idiay Nigeria gapu iti saan a nasayaat a pannakamentenar dagiti behikulo ken ti estado dagiti kalsada.
