LAOAG CITY – Maibilang ni Pres. Ferdinand Marcos Jr. kas highest-rated national official iti kabaroan a ‘Boses ng Bayan’ nationwide survey ti RPMD Foundation Inc. idinto a naobserbaran ti panagkapsot iti approval ratings ni Vice Pres. Sara Duterte kagiddan ti bumarbara a kontrobersial ken impeachment-related issues kontra kenkuana.
Inaramid ti survey idi Abril 1-8, 2026 iti 5,000 respondents manipud kadagiti nagduduma a socioeconomic classes iti intero a pagilian babaen ti “Index of Governance.”
Nakaala ni Pres. Marcos ti kangatoan a 57% IOG score, kagiddan ti 56% trust ken 58% approval a kangatoan ti amin a top government officials a nairaman iti survey.
Basar iti RPMD, kangatoan latta ti suporta ken ni Marcos iti Balance of Luzon (58%) idinto a pumigpigsa ti bilang daytoy iti Mindanao.
Ni VP Duterte ket nakairekord ti 54% IOG score, addaan ti 57% trust nugget 51% approval a kababaan kadagiti kangrunaan nga opisial ti gobierno.
Nupay kasta, nagtalinaed a napigsa ti base-na iti Mindanao (60%).
