LAOAG CITY – Nagtalinaed iti kustudyar ti PNP-Laoag ti maysa a babai a walo a bolan a masikog a natiliw iti drug buy-bust operation iti Brgy 11 iti ili ti San Nicolas babaen ti nagtipon a pwersa ti PNP-Laoag ken PNP-San Nicolas .
Nabigbig daytoy a ni Mrs. Josephine Reyes, agtawen ti 35, taga Bulacan ken tallo nga aldaw paylaeng nga agkaskasera iti nasao a barangay.
Naamoan a ni Reyes ket baro a newly identified drug personality iti PNP-Laoag ngem iti ili a San Nicolas ti nangiyuswatan da ti operasyon.
Segun kenni Pol. Chief Inspector Adrianno Licudan iti PNP Laoag, inadmitir ti suspek a bagina dagiti narekobre kenkuana nga 4 a sachet a naglaon ti maipagarop ti shabu nga agbalor ti sangaribo pisos ken aggapo dagitoy idiay Pampanga.
Inbatad ni Reyes a ti nangibaon kenkuana nga aglako ti illegal a droga ket ti dati a kaubraan na ket immanugot tapno adda ti nayun ti usaren na intono aganak.
