LAOAG CITY – Umabot iti walo nga indibidual ti natalimudaw bayat iti street dance parade kas paset ti selebrasyon ti Pamulinawen Festival ditoy ciudad ti Laoag.
Daytoy ti inpakaammo ni Dr. Melvin Manuel, ti mangidadaulo iti City Disaster Risk Reduction and Management Office (CDRRMO) ditoy ciudad.
Kuna na a bayat ti pannakipaset iti street dance parade dagiti maseknan ket adda ti napukawan ti poot ken narigatan nga umanges.
Innayon na a possible a ti nakaro a kinabara ti panawen, kinaado ti tao ken nakaro a pannakabannog da ti makaigapu a napukawan dagiti maseknan iti poot ken narigatan da nga umanges.
Inpasingked met ni Manuel nga insigida a nataming dagiti maseknan.
