LAOAG CITY – Inrakurak ni Senate President Francis “Chiz” Escudero a naidatag dan iti Palasyo ti siyam a key priority measures ti admininstrasyon tapno pirmaan ni Presidente Bongbong Marcos Jr., para iti panagbalin da a naan anay a linteg.
Iti statement, inbatad ni Escudero nga umabot iti 106 a nailungalong a gakat ti inaprubaran ti senado sipud naipatugaw daytoy kas mangidaulo iti kangatoan a pagpandayan linteng ti kongreso idi Mayo 20 ita a tawen.
Kuna na a manipod iti nasao a bilang ket 26 ditoyen ti napagbalin a naan-anay a linteg.
Inaprubaran metten ti Senado ti 12 key measures ti administrasyon ken siyam ditoy ti nakalinya nga adalen ni Presidente Marcos.
Karaman ditoy ti Value Added Tax iti digital transactions, Corporate Recovery and Tax Incentives for Enterprises to Maximize Opportunities for Reinvigorating the Economy (CREATE MORE), ken amendments iti Rice Tariffication Law, Academic Recovery and Accessible Learning Program (ARAL) Act, Magna Carte of Filipino Seafarers, Anti-Agricultural Smuggling Economic Sabotage Act, Self-Reliant Defense Posture Revitalization Act, Philippine Maritime Zones Act, ken ti Enterprise-Based Educaiton and Training Framework Act.
Kabayatanna, tallo a gakat ti nakasaang iti deliberasyon ti bicameral conference committee level, ken maysa ti aprubaran paylaeng ti kamara de representantes .
Inpasigurado ni Escudero a patibkeren ti Senado ti tallo agingga iti uppat a priority measures ti administrasyon sakbay a tutukan da ti nailungalong a atensiyon nito P6.532-trillion national budget iti 2025.
